Рыбакина Берлиндегі турнирдегі алғашқы матчын өткізеді

18 маусым күні қазақстандық теннисші Елена Рыбакина Германияның Берлин қаласында өтіп жатқан WTA турнирінің 1/8 финалында филиппиндік Александра Эаламен кездеседі.

Матч Қазақстан уақытымен сағат 20:30-да басталады. Бұл Рыбакинаның аталған турнирдегі алғашқы ойыны болмақ.

Ал Эала жарысты бірінші айналымнан бастап, хорватиялық Донна Векичті 7:5, 6:4 есебімен жеңіп шыққан.

Биылғы Берлин турнирінің жүлде қоры 1,2 миллион еуродан асады. Чемпион атанған теннисші 161 310 еуро мен WTA рейтингіндегі 500 ұпайға ие болады.

Турнирдің басты фавориті – әлемнің бірінші ракеткасы Арина Соболенко. Ал Рыбакина жарыстың екінші нөмірлі сеяны болып саналады.

Біздің серіктес: Olimpbet қосымшасын пайдалан