«Тобыл» жүлделі орындарға таласады

Футболдан Қазақстан чемпионатының 15-ші турының кейінге қалдырылған ойынында «Тобыл» сырт алаңда «Тұранды» жеңді.

Кездесу барысында қостанайлық клубтан Руй Кошта 22-минутта мергендік танытса, 59-минутта Ислам Чесноков қақпаны дәл көздеді.

Осылайша «Тобыл» қарсыласынан 2:0 есебімен басым түсіп, турнир кестесінде үздік үштікке жақындай түсті.

Ислам Чесноков биылғы маусымдағы оныншы голының авторы атанды. Нәтижесінде сұрмергендер көшінде «Қайрат» шабуылшысы Жоао Паоломен бірінші және екінші орынды өзара бөлісіп тұр.

Енді қостанайлық клуб 3 қарашада өз алаңынде елордалық  «Астананы» қабылдаса, 10 қарашада сырт алаңда Қызылорданың  «Қайсарымен» кездеседі. 

Біздің серіктес: Sport12kz