«Олар бамбук шегеді» — қазақ ММА файтері рейтингке наразы

Қазақстандық ММА файтері Фаниль Рафиков PFL лигасының рейтинг шешіміне таңырқап отыр. Бұл Саламат Исбулаев пен перуандық Хесус Пинедо арасындағы жекпе-жектен кейін болды.

7 ақпанда Дубайдағы PFL Dubai турнирінде Исбулаев бұрынғы чемпионы Пинедоны бірінші раундта нокаутпен жеңді. Алайда жаңа рейтингте Саламат 5-орынға көтерілсе, Пинедо 3-орнында қалды.

Рафиков:

«Саламат жеңгеніне қарамастан, Пинедо үшінші орында қалды. Бұл логикаға сыймайды. Мүмкін, рейтинг жасаушылар бамбук шегіп отыр, әлде басқа себеп бар. ММА-да жеңімпаз әрдайым жеңілгеннен жоғары тұруы керек. Бірақ мұнда бәрі керісінше…»

Фаниль бұл шешімді ММА қағидатына қарсы деп есептейді және рейтингтің әділ еместігін айтады.

Біздің серіктес: «Ойна, болжа, қатыс!»