Юлия Путинцева Дубайдағы турнирдің үшінші айналымына шықты

Қазақстандық теннисші Юлия Путинцева Біріккен Араб Әмірліктерінің Дубай қаласында өтіп жатқан WTA 1000 турнирінің ширек финалына жолдама алды.

Жұптық сында чехиялық Линда Носковамен бірге бақ сынаған отандасымыз жарыстың 1/8 финалында Габриэла Добровски (Канада)/Эрин Рутлифф (Жаңа Зеландия) жұбын тізе бүктірді.

Кездесу 1 сағат 23 минутқа созылды. Нәтижесінде Путинцева бастаған ұжым 2:1 (4:6; 6:3; 10:2) есебімен жеңіске жетті.

Енді Юлия мен Линда ширек финалда қытайлық спортшылардан құралған Сюй Ифань/Ян Чжаосюань жұбына қарсы матч өткізеді. Аталған матч ертең, 20 ақпан сағат 19:30-ға жоспарланған.

Айта кетейік, дүбірлі доданың жалпы жүлде қоры 3 654 963 долларды құрайды.

Біздің серіктес: «Ойна, болжа, қатыс!»